👉🏾 Ubushikiranganji buvuye kuri 15 buja kuri 13. Hariho n’ibisata vyahinduye aho bitwarirwa.
✍🏾 Umukenyezi agiye kuramutswa ubushikiranganji bw'ukwivuna abansi, ibitari bimenyerewe mu mateka y'Uburundi.
👀 Abashikiranganji bagarutse muri iyi Reta ni batatu : Marie-Chantal Nijimbere, Lyduine Baradahana na François Havyarimana.
📄 Ng’aya amazina n’ubushikiranganji barongoye 👇🏾
1️⃣ Umushikiranganji w'intwaro yo hagati mu gihugu, iterambere rusangi n'umutekano : Léonidas Ndaruzaniye ;
2️⃣ Umushikiranganji wo kwivuna abansi no kwitaho abahoze ku rugamba : Marie-Chantal Nijimbere. Mwomenya ko uwo, yahora arongoye ubushikiranganji mu vyo bujejwe harimwo ubudandaji ;
3️⃣ Umushikiranganji w'ubutungane, agateka ka zina muntu n'iterambere ridakumira : Arthemon Katihabwa ;
4️⃣ Umushikiranganji w'imigenderanire y'Uburundi n'ayandi makungu, iyinjira ry'Uburundi mu miryango yo mu karere no gufashanya mw'iterambere : Edouard Bizimana ;
5️⃣ Umushikiranganji w'ubutunzi, ikigega ca Reta, n'ubutunzi bufatiye ku buhinga bwa none : Alain Ndikumana ;
6️⃣ Umushikiranganji w'ubutare n'agataka, amasoko ntanganguvu, amahinguriro, ubudandaji n'ingenzi : Dr. Hassan Kibeya ;
7️⃣ Umushikiranganji w'ibidukikije, uburimyi n'ubworozi : Calinie Mbarushimana ;
8️⃣ Umushikiranganji w'inyubako, uburaro rusangi, ugutwara abantu n'ibintu hamwe n'ibikoresho : Jean Claude Nzobaneza ;
9️⃣ Umushikiranganji w'indero n'ubushakashatsi : Dr. François Havyarimana ;
🔟 Umushikiranganji w'amagara y'abantu : Dr. Lyduine Baradahana ;
1️⃣1️⃣ Umushikiranganji w'akazi, abakozi ba Reta no gutegekaniriza kazoza abakozi : Gabriel Nizigama ;
1️⃣2️⃣ Umushikiranganji w'urwaruka, inkino n'imico kama : Lydia Nsekera ;
1️⃣3️⃣ Umushikiranganji wo kumenyesha amakuru n'ibinyamakuru : Gabby Bugaga.
📑 Reta nshasha yashikirijwe mw’itangazo n'umuvugizi w'umukuru w'igihugu, Rosine Guilène Gatoni kuri uyu wa 5 Myandagaro 2025.
📸 : RTNB
#poritike
